Ошто элечектердин көргөзмөсү өтүүдө
Ош шаарында элечектин көргөзмөсү өтүүдө. Ага түрдүү социалдык катмар, уруу жана аймактарга таандык элечектердин түрлөрү коюлду. "Элечек" долбоорунун жетекчиси Айдай Асанкулованын "Азаттыкка" айтымында, Кыргызстан, Кытай жана Тажикстанда жашаган кыргыз аялдарынын элечектеринин түрлөрү изилденип, алардын саны элүүгө жакын экени аныкталды.
Памирлик байбиченин элечеги
Көргөзмөдө уюштуруучулар тарабынан элечек ороо боюнча мастер класс көрсөтүлдү
Кашкарлык кыргыздар арасында көп тараган элечек
Жаш келиндин элечеги, өтө чоң эмес. 15 метрлик кездемеден жасалган. Жыкмасы бар
Элечектер аймактарга эле эмес, урууларга да бөлүнгөн
Аза күткөн аялдын элечеги
Кашкарлык кыргыздардын элечеги. Жаш келин
Кыргызстандын түндүгүнө тараган элечектин түрү
Ысык-Көл. Бугу уруусуна таандык байбиче элечек. Кездеменин узундугу 30 метр
Талас облусунда кеңири тараган элечек
Памир кыргыздарынын элечеги
Кыргызстандын түштүгүндө көп тараган Сологой элечек. Найман жана Тейит урууларына таандык
Кыргыз элинин турмушунда аялдардын элечеги жарат таңууга, баланы ороого жана кепин катары да иштетүүгө колдонулган
Кыргыз элечегин ЮНЕСКОнун материалдык эмес баалуулуктардын дүйнөлүк тизмесине киргизүүгө даярдык жүрүүдө
Аялдын элечеги аркылуу анын социалдык абалын аныктоого мүмкүн болгон. Мисалы, азалуу, келин, байбиче, жакыр же бай экенин аныкташкан.
Алайлык кыргыздардын элечеги
Ыдырыс Исаков, “Азаттык”, 25.03.2015-ж.
Пикирлер